НАНУБ –ын тэнхимийн “Өсөх нахиа” клубын санаачлагаар хөгжлийн бэрхшээлтэй хүүхдүүдтэй ажиллаж, тэдэнд тусламж үзүүлж, амьдрах ухаанд сургадаг “Сүжэташанд” ТББ-ын үүсгэн байгуулагч, Японы хүүхдийг ивээх сангийн ажилтан хатагтай Кимико сан энэ сарын 7-ны өдөр манай сургуульд айлчилж оюутнуудад яриа хийлээ.

х          х          х

“Хүүхдийн баясгалан” ТББ-ын тэргүүн, нийгмийн ажилтан н.Болормаа энэ сарын 10-ны өдөр НАНУБ-ын тэнхимийн оюутнуудтай эмзэг бүлгийн болон сургуулиас завсардсан хүүхдүүдтэй хэрхэн ажиллах талаар ярилцлага хийж, туршлага хуваалцлаа.

 х          х         х

БНСУ-ын Jungwon их сургуулийн гадаад харилцаа хариуцсан захирал доктор Ja Do Song энэ сарын 16-ны өдөр манай сургуульд айлчлах гэж байна. 

х          х          х

  НАНУБ –ын тэнхимийн “Өсөх нахиа” клуб санаачлан 5-р сарын 13-17-ны хооронд улсын засан хүмүүжүүлэх 805-р ангийн хүмүүжигч нарт зориулан оюунлаг хандив болох ном хандивлах “Сайн үйлсийн аян”-г зохион байгуулж байна.

Багш ажилчид, оюутнууд та бүхнийг идэвхитэй оролцохыг уриалж байна.

Сэтгүүл зүйн 3-р дамжааны оюутан Т.Пагма Кино Урлагийн дээд сургуулиас 2 жилд 1 удаа сэтгүүлч бэлтгэдэг бүх их дээд сургуулийн дунд уламжлал болгон зохион явуулдаг “Venus-6” уран бүтээлийн наадамд нийтлэлийн төрлөөр оролцсон 120 оюутнаас тэргүүн байр эзлэн цом гардан авлаа. Т.Пагмадаа сургуулийн хамт олны зүгээс баяр хүргэн, цаашдын сурлага хөдөлмөрт нь амжилт хүсье.

х          х          х

АЖЭЗМ-3-р дамжааны оюутан Э.Уянга SBN телевизээр гарч буй хамтлаг бүжгийн улсын аварга шалгаруулах “Dance on” тэмцээнд өөрийн “Silence” нэртэй бүжгийн хамтлагтай оролцож шилдэг 10-т багтаж , одоо дараагийн шатандаа оролцохоор бэлдэж байна. Идэрчүүдээ доорхи хаягаар орж LIKE даран дэмжицгээе. Facebook хаяг: This e-mail address is being protected from spam bots, you need JavaScript enabled to view it

х          х          х

МУБИС-ийн МСС-иас зохин байгуулсан “Хэл, соёл, хэрэглээ” сэдэвт эрдэм шинжилгээний бага хуралд нийт 100 илтгэгч оролцсоноос АМХБ-3 дамжааны оюутан Б.Оюун шилдэг 8-н илтгэгчийн нэгээр тодорлоо. Б.Оюундаа баяр хүргэе.

х          х          х

“Атар-Өргөө” ХХК-иас зохион байгуулж байгаа “Super Marketers” тэмцээнд ММ-3-р ангийн  оюутнууд 2 баг болон оролцож байна. 

Одоогийн байдлаар 3-р шатанд нийт 9 баг шалгарч үлдэснээс “Паянтай 5” баг V байранд, “Business sharks” баг VI байранд тус тус бичигдэж байна. ММ-3 ангийн 2 багтаа амжилт хүсье.

МЭРГЭЖЛЭЭ ХЭРХЭН ЗӨВ СОНГОХ ВЭ?

МЭРГЭЖЛИЙН ЧИГ БАРИМЖАА

Бүх мэргэжилд тохирох, бүх мэргэжлийг амжилттай эзэмшиж чадах хүн гэж байдаггүй. Харин тодорхой хэмжээгээр хүний бие физиологи, сэтгэл зүйд тавих шаардлагаараа төстэй мэргэжлүүд бий.

Хөдөлмөрийг өндөр чанар бүтээмжтэй, дээд зэргийн сэтгэл ханамжай хийх бие хүний шинж чанаруудыг мэргэжилд тохирохуй гэнэ.

Мэргэжилд тохирох байдал нь хоёр янз байдаг.

А. Бүрэн тохирохуй – Хүний сэтгэц, физиологид хатуу шаардлага тавьдаг, тусгай сонгодсон хүн хийх ёстой мэргэжил. Жишээ: сансарын нисгэгч, балетчин г.м.

Б. Харьцангуй тохирохуй- дурын эрүүл хүн хийж гүйцэтгэж чадах мэргэжил.

Тэгэхээр өөрийнхөө  хувийн онцлогт тохирсон мэргэжил сонгох нь ирээдүйд амжилттай ажиллахын эх сурвалж байдаг. Та манай сургуультай холбогдон мэргэжил сонголтын тестээр өөрийн мэргэжлийн чиг баримжаагаа тодорхойлуулж болно.

Ажил мэргэжлийн олон төрлийн ангилал, түүнээс үүдэлтэй мэргэжлийн чиг баримжаа тодорхойлох тест байдгийн дотроос манай орны нөхцөлд арай төстэй байж болох Оросын эрдэмтэн сэтгэл зүйч Е.А. Климовын ангиллыг авч үзье:

1.   ХҮН-БАЙГАЛЬ мэргэжил дээр  хүний сэтгэхүй голлож, субъект чанар давамгайлж, мэдрэлийн сул тогтолцоо шаардагддаг байна.

2.   ХҮН-ХҮН мэргэжлүүд нь хүнд чиглэсэн, удирдах, үйлчлэх чиглэлтэй байдаг. Иймд хүн-хүн мэргэжлээр бие хүний шинж давамгайлсан хүмүүс ажилладаг ба сэтгэцийн үзэгдлүүдээс мэдрэмж, сэтгэлийн хөдөлгөөн илүү шаардагдана.

3.   ХҮН-ТЕХНИК мэргэжлүүдийн хөдөлмөр нь техник объектуудад чиглэгдэх ба сэтгэцийн процессуудаас анхаарал, тогтвортой сэтгэлийн хөдөлгөөн, хэцүү үед шийдвэр гаргах чадвар сайн байх чанарууд шаардагдана.

4. ХҮН-ТЭМДЭГ мэргэжил нь дохионы тэмдэг, тоо, томъёо, бичвэрийн хэлбэрт оруулсан мэдээлэл боловсруулахад хандсан хөдөлмөр юм. Хүн –тэмдэг мэргэжлээр ажиллахад үйл ажиллагаагаа хянан шалгах, мэдээлэл боловсруулах, тооцоо хийх, шинэ тэмдэг, тэмдгийн тогтолцоо зохиох, өөрөөр хэлбэл бүтээлч ажиллах боломжтой. Иймд хүн- тэмдэг мэргэжил дээр ой тогтоолт, субъект чанар нь давамгайлсан хүмүүс ажиллавал тохиромжтой.

5.    ХҮН-УРАН САЙХНЫ ДҮР мэргэжлийн  хөдөлмөрийн үндэс нь уран сайхны дүр, дүрслэлийг бий болгох, өөрчлөх явдал юм. Энэ мэргэжлээр бие хүний чанар нь давамгайлсан, зохион бодохуй сайн хөгжсөн хүмүүс ажиллавал сайн үр дүнд хүрнэ.

МЭРГЭЖЛИЙН ЧИГ БАРИМЖАА ТОДОРХОЙЛОХ ТЕСТИЙН ХАРИУ

 1-р багана

Та 1-р баганан дээр 5-аас дээш оноо, эсвэл бусад баганаас илүү оноо авсан бол таньд ХҮН-БАЙГАЛЬ мэргэжлийн чиг баримжаа илэрч байна.

Оношилгооны хариунаас үзэхэд та олон талын авьяастай, өргөн хүрээнд ажиллах боломж, сонирхол өндөртэй болох нь харагдлаа. Үүнд:

            Та амьтан ургамал  буюу байгальтай харилцах сонирхолтой байна. Тиймээс таньд байгалийн ухааны чиглэлийн ажил мэргэжил тохирно. Үүнд хими, физик, биологи гэх мэт байгалийн ухаануудын салбар чиглэл байдаг. 

·       Химич

·       Физикч

·       Технологич /Хүнс, Хөдөө аж ахуй гэх мэт/

·       Одон орон судлаач

·       Биологич

·       Экологич

·       Аялал жуулчлал

·       Хайгуулч

·       Фермерийн аж ахуй

·       Малын эмч

·       Ой судлаач

·       Ургамал, амьтан, ус судлаач

·       Архелогич... гэх мэт

Дээр дурдсан мэргэжлүүд нь зөвхөн жишээ болгож өгүүлсэн болно. Өөр олон олон мэргэжлээс сонголтоо хийж болно.  

2-р багана

Та 2-р баганан дээр 5-аас дээш оноо, эсвэл бусад баганаас илүү оноо авсан бол таньд ХҮН-ТЕХНИК мэргэжлийн чиг баримжаа илэрч байна.

Оношилгооны хариунаас үзэхэд та олон талын авьяастай, өргөн хүрээнд ажиллах боломж, сонирхол өндөртэй болох нь харагдлаа. Үүнд:

Та техникийн талын авьяас,  сонирхолтой юм байна. Ийм мэргэжлүүдийн хөдөлмөр нь техник объектуудад чиглэгдэх ба анхаарал, тогтвортой сэтгэлийн хөдөлгөөн, хэцүү үед шийдвэр гаргах чадвар сайн байх чанарууд шаардагдана. Иймээс та эдгээр чадваруудаа илүү хөгжүүлээрэй. 

·       Инженер /Бүх төрлийн/

·       Нарийн мэргэжлийн оношлооч эмч

·       Жолооч

·       Зохион бүтээгч

·       Техникч, техникийн ажилтнууд

·       Засварчин

·       Техник хангамж

·       Компьютрийн программ хангамж

·       Оператор

·       Технологич /Бүх төрлийн/гэх мэт

Дээр дурдсан мэргэжлүүд нь зөвхөн жишээ болгож өгүүлсэн болно. Өөр олон олон мэргэжлээс сонголтоо хийж болно.  

3-р багана

Та 3-р баганан дээр 5-аас дээш оноо, эсвэл бусад баганаас илүү оноо авсан бол таньд ХҮН-ХҮН мэргэжлийн чиг баримжаа илэрч байна.

Оношилгооны хариунаас үзэхэд та олон талын авьяастай, өргөн хүрээнд ажиллах боломж, сонирхол өндөртэй болох нь харагдлаа. Үүнд:    

Та хүнтэй харилцах сонирхолтой,  хүнд чиглэсэн, удирдах, үйлчлэх чиглэлийн мэргэжлүүд илүү тохирох юм байна.  Иймд та өөрийн зан чанарын давуу талуудаа, болон EQ чадвараа /EQ чадвар - бусдын сэтгэлийг ойлгох, харилцах болон өөрийн сэтгэлийн хөдөлгөөнийг мэдрэх, удирдан зохицуулах чадвар. Өөрөөр хэлбэл хүний харилцааны чадамж/ илүү хөгжүүлээрэй. Энэ мэргэжлүүдэд мэдрэмж, сэтгэлийн хөдөлгөөн болон бусдыг ойлгох, бусадтай зөв харилцах ухаан илүү шаардагддаг. Ийм төрлийн мэргэжлүүдэд:

·       Багш

·       Менежер

·       Сэтгүүлч, Нэвтрүүлэгч

·       Сэтгэл судлаач

·       Нийгмийн ажилтан

·       Эмч

·       Хүний нөөцийн ажилтан

·       Үйлчилгээний бүх төрлийн ажилтан

·       Найруулагч, Жүжигчин

·       Удирдах ажилтан ... гэх мэт

Дээр дурдсан мэргэжлүүд нь зөвхөн жишээ болгож өгүүлсэн болно. Өөр олон олон мэргэжлээс сонголтоо хийж болно.  

4-р багана

Та 4-р баганан дээр 5-аас дээш оноо, эсвэл бусад баганаас илүү оноо авсан бол таньд ХҮН-ТЭМДЭГ мэргэжлийн чиг баримжаа илэрч байна.

Оношилгооны хариунаас үзэхэд та олон талын авьяастай, өргөн хүрээнд ажиллах боломж, сонирхол өндөртэй болох нь харагдлаа. Үүнд:    

Тоо бодох, томьёоны гаргалгаа хийх, бичиг баримт боловсруулах зэрэгт дур сонирхолтой, авьяастай юм байна. Иймд таньд дохионы тэмдэг, тоо, томъёо, бичвэрийн хэлбэрт оруулсан мэдээлэл боловсруулахад хандсан ажил мэргэжил тохиромжтой юм. Иймд энэ мэргэжил дээр ажиллахын тулд ой тогтоолт гэх мэт танин мэдэх авьяасаа илүү хөгжүүлээрэй.

·       Химич, Физикч, Математикч

·       Технологич /Хүнс, Хөдөө аж ахуй гэх мэт/

·       График дизайн

·       Нягтлан бодогч

·       Судлаач /Социологич/

·       Хэл шинжээч

·       Түүхч, Одон орон судлаач

·       Хуульч, Санхүүч

·       Статистикч

·       Программ хангамж

·       Мөрдөн байцаагч... гэх мэт

Дээр дурдсан мэргэжлүүд нь зөвхөн жишээ болгож өгүүлсэн болно. Өөр олон олон мэргэжлээс сонголтоо хийж болно.  

5-р багана

Та 5-р баганан дээр 5-аас дээш оноо, эсвэл бусад баганаас илүү оноо авсан бол таньд ХҮН-УРАН САЙХАН мэргэжлийн чиг баримжаа илэрч байна.

Оношилгооны хариунаас үзэхэд та олон талын авьяастай, өргөн хүрээнд ажиллах боломж, сонирхол өндөртэй болох нь харагдлаа. Үүнд:    

Та урлаг уран сайхны тал дээр илүү дур сонирхолтой болох нь харагдлаа. Ийм мэргэжлийн  хөдөлмөрийн үндэс нь уран сайхны дүр, дүрслэлийг бий болгох, өөрчлөх явдал юм. Таны зохион бодохуй сайн хөгжсөн бол энэ төрлийн мэргэжилд амжилт гаргах бололцоотой бөгөөд хэрвээ ийм төрлийн мэргэжил сонгож байгаа бол өөрийн давуу тал, сайн сайхан зан чанарыг хөгжүүлэхийг зөвлөе. Мөн өөрийгөө ямар төрлийн авьяаст сонирхолтой болохоо танин мэдээрэй. Та өөрийн авьяасаа зөв танин мэдсэнээр амжилтанд хүрэх чиглэлээ зөв тогтоох юм шүү.

Та тусгай авьяастай бол дараах мэргэжлүүд тохирно.Үүнд:

·       Зураач

·       Дуучин, Хөгжимчин, Найруулагч

·       Бүжигчин

·       Жүжигчин

·       Тайз, Засал чимэглэл

·       Гоо сайханч

·       Дизайнер

·       Сийлбэрчин, Уран барималч ... гэх мэт

Дээр дурдсан мэргэжлүүд нь зөвхөн жишээ болгож өгүүлсэн болно. Өөр олон олон мэргэжлээс сонголтоо хийж болно.  

Сонголт бол ямагт таных байх болно.

Сонголт тань зөв мэргэн байх болтугай.

АНУ-ын LеTourneau Их Сургуулиас хамтын ажиллагааны санал ирлээ.

Идэр дээд сургууль дээр “Багшийн хөгжил-Бидний ирээдүй” сэдэвт уран илтгэлийн тэмцээн амжилттай болж эхний шатанд Б.Энх-Учрал  В.Мөнхбаяр  Д.Одон  Г.Эрхэмбаяр  М.Санжаа  Я.Дэлгэр  О.Оюунтунгалаг Б.Сайханбаяр Ж.Бурмаа Н.Мөнхзориг нарын 10 багш шалгарсан бөгөөд тэмцээний 2-р шат өнгөрсөн  Лхагва  гарагт  буюу 4-р сарын 10-нд  болж өнгөрлөө. Тэмцээнд 1-р шатнаас шалгарсан

10 багшаас:

    1-р байр: Ж.Бурмаа (дэд захирал)

    2-р байр: Д.Одон (англи хэлний багш)

   3-р байр: Б.Энх-Учрал (монгол хэлний багш)

нар тус тус шалгарлаа. Амжилттай оролцсон багш нартаа баяр хүргэе..

Өнгөрөгч 3 сарын 20-ны өдөр “Боловсролын салбарын маркетингийн асуудал” сэдэвт эрдэм шинжилгээний хурал манай сургууль дээр амжилттай болж өнгөрлөө. Тус хуралд АНУ-ын Ричмондын их сургуулийн профессор Дана Ласку, Идэр дээд сургуулийн захирал Д.Зоригт мөн Боловсролын хүрээлэнгийн эрдэмтэн нарийн бичгийн дарга, доктор С.Санжаабадам нар илтгэл тавьсан бөгөөд ерөнхий боловсролын сургуулиудаас нийт 100 гаруй зочид төлөөлөгчид хүрэлцэн ирсэн байна.

Засаглалын чадавхи ба нөөц баялагийн ашиглалт

Монгол бол асар их баялагтай орон гэдэг нь улам тодорхой болсоор байна. Урьд нь тэр бүр мэдэгдэхгүй байсан ордууд, баялагийн бассейн илэрч дэлхий нийтийн анхаарлыг татах боллоо. Коксжих нүүрсний нөөцөөр дэлхийд тэргүүлэх таван толгой , зэсийн нөөцөөр эхний 5-д бичигдэх оюу толгойн ордыг л энд зөвхөн дурьдахад хангалттай.                  

АНУ-ын Ричмондын Их Сургуулийн профессор хатагтай DANA LASCU манай сургуулийн урилгаар Монголд айлчилж байна.